കോവിഡ്: മുംബൈയില് ഷോപ്പിങ് മാളുകളും തിയറ്ററുകളും അടച്ചു
ഷോപിങ് മാളുകള്, ജിമ്മുകള്, സിനിമാ ഹാളുകള്, നീന്തല്ക്കുളങ്ങള് എന്നിവ വെള്ളിയാഴ്ച അര്ദ്ധരാത്രി മുതല് അടക്കും.
മുംബൈ: മഹാരാഷ്ട്രയില് കൊറോണ വൈറസ് കേസുകള് വര്ദ്ധിച്ചുവരുന്ന സാഹചര്യത്തില് മുംബൈ, പൂനെ, നാഗ്പൂര്, നവി മുംബൈ, പിംപ്രി-ചിഞ്ച്വാഡ് എന്നിവിടങ്ങളില് കര്ശന നടപടികളെടുക്കാന് സര്ക്കാര് തീരുമാനിച്ചു. ഇതു പ്രകാരം ഷോപിങ് മാളുകള്, ജിമ്മുകള്, സിനിമാ ഹാളുകള്, നീന്തല്ക്കുളങ്ങള് എന്നിവ വെള്ളിയാഴ്ച അര്ദ്ധരാത്രി മുതല് അടക്കും. ആളുകള് കൂടിച്ചേരുന്നത് പരമാവധി ഒഴിവാക്കാനാണിത്. സംസ്ഥാനത്തെ അഞ്ച് ജില്ലകളിലാണ് കോവിഡ് 19 കണ്ടെത്തിയത്.