കോഴിക്കോട്: കൂടത്തായി കൊലപാതക കേസില് ഷാജുവിനെയും പിതാവ് സഖറിയാസിനേയും വീണ്ടും ചോദ്യം ചെയ്യും. വടകര തീരദേശ പോലിസ് സ്റ്റേഷനിലാണ് ചോദ്യം ചെയ്യല്. ഷാജുവിന്റെ ആദ്യഭാര്യ സിലിയുടെ മരണവുമായി ബന്ധപ്പെട്ട് ജോളി നല്കിയ മൊഴിയുടെ അടിസ്ഥാനത്തിലാണ് ഷാജുവിനെ പോലിസ് വീണ്ടും ചോദ്യം ചെയ്യുന്നത്. ഷാജുവിന്റെ അറിവോടെയാണ് സിലിയുടെ കൊലപാതകമെന്ന് ജോളി കഴിഞ്ഞ ദിവസം അന്വേഷണ സംഘത്തിന് മൊഴി നല്കിയിരുന്നു. സിലി മരിച്ച വിവരം ഷാജുവിനെ അറിയിച്ചതായും ജോളി അന്വേഷണ സംഘത്തോട് പറഞ്ഞിരുന്നു. താനും ഷാജുവുമായുള്ള ബന്ധത്തെ സിലി പലതവണ ചോദ്യം ചെയ്തിരുന്നു. ഷാജുവും താനുമായുള്ള ബന്ധത്തിലും പണയിടപാടുകളിലും സിലി അതൃപ്തി പ്രകടിപ്പിച്ചിരുന്നു. ഇത് സിലിയോട് തനിക്ക് പകതോന്നാന് കാരണമായെന്നും ജോളി പറഞ്ഞിരുന്നു. ജനുവരി 11നായിരുന്നു സിലിയുടെ മരണം. അവസാനമായി സിലി ഭക്ഷണം കഴിച്ചത് ജോളിയുടെ വിട്ടില് നിന്നായിരുന്നുവെന്ന് കഴിഞ്ഞ ദിവസം സിലിയുടെ മകന് മൊഴി നല്കിയിരുന്നു.