ബിജെപി ദേശീയ അധ്യക്ഷന്‍ ജെ പി നഡ്ഡയ്ക്ക് കൊവിഡ്
പ്രതിരോധമന്ത്രി രാജ്‌നാഥ് സിങ്ങിനും ബിഹാര്‍, കര്‍ണാടക മുഖ്യമന്ത്രിമാരായ നിതീഷ് കുമാറിനും ബസവരാജ് ബൊമ്മയ്ക്കും ഇന്ന് കോവിഡ് പോസറ്റിവായിരുന്നു.
ന്യൂഡല്‍ഹി: പ്രതിരോധ മന്ത്രി രാജ്‌നാഥ് സിങിന് പിന്നാലെ ബിജെപി ദേശീയ അധ്യക്ഷന്‍ ജെ പി നഡ്ഡയ്ക്കും കൊവിഡ് സ്ഥിരീകരിച്ചു. കൊവിഡ് പോസിറ്റീവായ വിവരം നഡ്ഡ തന്നെയാണ് ട്വിറ്ററിലൂടെ പുറത്തുവിട്ടത്. ഡോക്ടറുടെ നിര്‍ദേശത്തെ തുടര്‍ന്ന് സ്വയം നിരീക്ഷണത്തിലാണെന്നും ബിജെപി നേതാവ് ട്വീറ്റ് ചെയ്തു.
നേരിയ രോഗലക്ഷണങ്ങളെ തുടര്‍ന്ന് നടത്തിയ പരിശോധനയിലാണ് കൊവിഡ് സ്ഥിരീകരിച്ചത്. താനുമായി കഴിഞ്ഞ ദിവസങ്ങളില്‍ സമ്പര്‍ക്കം പുലര്‍ത്തിയവരെല്ലാം പരിശോധന നടത്തണമെന്നും നിരീക്ഷണത്തില്‍ തുടരണമെന്നും ട്വീറ്റിലുണ്ട്. പ്രതിരോധമന്ത്രി രാജ്‌നാഥ് സിങ്ങിനും ബിഹാര്‍, കര്‍ണാടക മുഖ്യമന്ത്രിമാരായ നിതീഷ് കുമാറിനും ബസവരാജ് ബൊമ്മയ്ക്കും ഇന്ന് കോവിഡ് പോസറ്റിവായിരുന്നു.