തിരുവനന്തപുരം: ഇന്ത്യ സ്‌കില്‍സ് ദേശീയ മത്സരം ആറ് മുതല്‍ 10 വരെ ഡല്‍ഹിയില്‍ നടക്കും. നേരത്തെ വിശാഖപട്ടണത്തു നടന്ന ദക്ഷിണ മേഖല മത്സരത്തില്‍ ഒന്നാമതെത്തിയ കേരളത്തെ പ്രതിനിധീകരിച്ചു യോഗ്യതനേടിയ 41 പേര്‍ ദേശീയ മത്സരത്തില്‍ പങ്കെടുക്കും.
16 വീതം സ്വര്‍ണം, വെള്ളി മെഡലുകള്‍ നേടിയാണ് കേരളം പ്രാദേശിക തലത്തില്‍ ഒന്നാമതെത്തി ദേശീയ മത്സരത്തിന് യോഗ്യത നേടിയത്. കേരളത്തിനകത്തും പുറത്തുമുള്ള പ്രമുഖ കേന്ദ്രങ്ങളില്‍ പരിശീലനം നല്‍കിയാണ് ഇവരെ ദേശീയ മത്സരത്തിന് സജ്ജരാക്കിയത്. ഇവിടെ വിജയിക്കുന്നവര്‍ ഒക്ടോബറില്‍ ചൈനയില്‍ നടക്കുന്ന വേള്‍ഡ് സ്‌കില്‍ മത്സരത്തില്‍ രാജ്യത്തെ പ്രതിനിധീകരിച്ചു പങ്കെടുക്കും.