രാജസ്ഥാനില്‍ 24 മണിക്കൂറിനുള്ളില്‍ കൊവിഡ് ബാധിച്ചത് 448 പേര്‍ക്ക്; 7 മരണം
ജയ്പൂര്‍: രാജസ്ഥാനില്‍ 24 മണിക്കൂറിനുള്ളില്‍ 448 പേര്‍ക്ക് കൊവിഡ് ബാധിച്ചു. രോഗബാധ മൂലം 7 പേര്‍ മരിച്ചതായി സംസ്ഥാന ആരോഗ്യവകുപ്പ് സ്ഥിരീകരിച്ചു.
സംസ്ഥാനത്ത് 36,878 പേര്‍ക്കാണ് ആകെ രോഗം ബാധിച്ചത്. അതില്‍ 10,124 പേര്‍ ഇപ്പോഴും ആശുപത്രിയില്‍ ചികില്‍സയിലാണ്. 26,123 പേര്‍ രോഗം ഭേദമായി ആശുപത്രി വിട്ടു. 631 പേരാണ് ആകെ രോഗത്തിന് കീഴടങ്ങി ജീവന്‍ വെടിഞ്ഞത്.
സംസ്ഥാനത്ത് തുടരുന്ന ഭരണപരമയാ അനിശ്ചിതാവസ്ഥ കൊവിഡ് വ്യാപനത്തെ തടയുന്നതിനെ പ്രതികൂലമായി ബാധിച്ചതായി വിവിധ റിപോര്‍ട്ടുകള്‍ സൂചിപ്പിക്കുന്നു.