ഡല്ഹിയില് പുലര്ച്ചെ മൂന്ന് മണിവരെ ബാറുകള്ക്ക് പ്രവര്ത്തനാനുമതി നല്കിയേക്കും
ന്യൂഡല്ഹി: ഡല്ഹിയില് പുലര്ച്ചെ മൂന്ന് മണിവരെ ബാറുകള് തുറന്നുവയ്ക്കാന് അനുമതി നല്കുമെന്ന് ഡല്ഹി സര്ക്കാര്. ഡല്ഹിയിലെ രാത്രിജീവിതം സജീവമാക്കാനുള്ള പദ്ധതിയുടെ ഭാഗമാണ് ഇത്.
കൂടുതല് തൊഴിലവസരങ്ങള് സൃഷ്ടിക്കാനും ഇത്തരം മേഖലയുടെ വികാസത്തിനും ഗുണംചെയ്യുമെന്ന വിലയിരുത്തലിന്റെ ഭാഗമാണ് നടപടി.
ഇതുസംബന്ധിച്ച ഔപചാരികമായ ഉത്തരവ് പുറത്തുവന്നിട്ടില്ലെങ്കിലും താമസമില്ലാതെ നടപ്പാവുമെന്ന് ബന്ധപ്പെട്ട ഉദ്യോഗസ്ഥര് പറഞ്ഞു. ഡല്ഹി പോലിസുമായി ആലോചിച്ചായിരിക്കും നടപടിക്രമങ്ങള് തീരുമാനിക്കുക.
ഹോട്ടലുകള് അടച്ചിടേണ്ട സമയം ദീര്ഘിപ്പിക്കണമെന്ന് സര്ക്കാര് വകുപ്പുകളില്നിന്ന് നിര്ദേശം വന്നിരുന്നു.
മൂന്ന് മണിവരെ തുറന്നുവയ്ക്കുന്നതുകൊണ്ട് ഉണ്ടായേക്കാവുന്ന പലതരം പീഡനങ്ങളും ഇല്ലാതാക്കാന് നടപടി സ്വീകരിക്കുമെന്ന് സര്ക്കാര് പറയുന്നു.