ഐ എം എ കൊച്ചി മാരത്തോണ് ഞായറാഴ്ച
രാവിലെ ആറിന് കൊച്ചി ജവഹര്ലാല് നെഹ്റു സ്റ്റേഡിയത്തിനു സമീപത്തുനിന്നാരാംഭിക്കുന്ന മാരത്തോണ് തിരികെ സ്റ്റേഡിയത്തില് സമാപിക്കും. 5 കിലോമീറ്ററിന്റെയും 10 കിലോമീറ്ററിന്റെയും ദൈര്ഘ്യമുള്ള രണ്ട് കാറ്റഗറിയാണുള്ളത്. 5 കിലോമീറ്റര് വിജയിക്ക് 8000 രുപയും, 10 കിലോമീറ്റര് വിജയിക്ക് 10000 രുപയും, റണ്ണറപ്പ്മാര്ക്ക് യഥാക്രമം 4000, 5000 രുപ പ്രൈസ് മണി ഉണ്ടാകും. ഫിനിഷ് ചെയ്യുന്ന എല്ലാവര്ക്കും മെഡല് ലഭിക്കും
കൊച്ചി : ലോക ആരോഗ്യദിനമായ ഞായറാഴ്ച കൊതുക് രഹിത കൊച്ചി എന്ന ആശയത്തിന് ഊന്നല് നല്കി ഐ എം എ കൊച്ചി മാരത്തോണ് സംഘടിപ്പിക്കുന്നു. രാവിലെ ആറിന് കൊച്ചി ജവഹര്ലാല് നെഹ്റു സ്റ്റേഡിയത്തിനു സമീപത്തുനിന്നാരാംഭിക്കുന്ന മാരത്തോണ് തിരികെ സ്റ്റേഡിയത്തില് സമാപിക്കും. 5 കിലോമീറ്ററിന്റെയും 10 കിലോമീറ്ററിന്റെയും ദൈര്ഘ്യമുള്ള രണ്ട് കാറ്റഗറിയാണുള്ളത്. 5 കിലോമീറ്റര് വിജയിക്ക് 8000 രുപയും, 10 കിലോമീറ്റര് വിജയിക്ക് 10000 രുപയും, റണ്ണറപ്പ്മാര്ക്ക് യഥാക്രമം 4000, 5000 രുപ പ്രൈസ് മണി ഉണ്ടാകും. ഫിനിഷ് ചെയ്യുന്ന എല്ലാവര്ക്കും മെഡല് ലഭിക്കും.14 പീക്സിന്റെ സഹകരണത്തോടെയാണ് ഈ വര്ഷത്തെ മാരത്തോണ് സംഘടിപ്പിച്ചിരിക്കുന്നത്. സുംബ ഡാന്സിന്റെ അകമ്പടിയോടുകൂടിയ വാം അപ്പും സംഘടിപ്പിച്ചിട്ടുണ്ട്. മാരത്തോണില് പങ്കെടുക്കുന്നതിന് രജിസ്റ്റര് ചെയ്തിട്ടുള്ളവര് രാവിലെ 5.30ന് സ്റ്റേഡിയത്തില് റിപോര്ട്ട് ചെയ്യണമെന്ന് ഐ എം എ സ്പോര്ട്ട്സ് വിങ്ങ് കണ്വീനര് ഡോ.വിനോദ് പദ്മനാഭന്, കൊച്ചി ഐ എം എ പ്രസിഡന്റ് ഡോ. എം ഐ ജുനൈദ് റഹ്മാന്, എന്നിവര് വാര്ത്താ സമ്മേളനത്തില് അറിയിച്ചു.