മലപ്പുറം: കൊവിഡ് 19 പ്രതിരോധത്തിന്റെ ഭാഗമായുള്ള ആരോഗ്യ ജാഗ്രത ലംഘിച്ചതിന് ജില്ലയില് 12 കേസുകള് കൂടി രജിസ്റ്റര് ചെയ്തതായി ജില്ലാ പൊലീസ് മേധാവി യു. അബ്ദുള് കരീം അറിയിച്ചു. വിവിധ സ്റ്റേഷനുകളിലായി 20 പേരെ അറസ്റ്റു ചെയ്തു. ആറ് വാഹനങ്ങളും പിടിച്ചെടുത്തു. ഇതോടെ ആരോഗ്യ ജാഗ്രത ലംഘിച്ചതിന് പൊലീസ് രജിസ്റ്റര് ചെയ്ത കേസുകളുടെ എണ്ണം 4,584 ആയി. 5,648 പേരെയാണ് ഇതുവരെ അറസ്റ്റു ചെയ്തത്. ജില്ലയിലാകെ ഇതുവരെ 2,610 വാഹനങ്ങളും പിടിച്ചെടുത്തിട്ടുണ്ട്.
മാസ്ക് ധരിക്കാതെ പുറത്തിറങ്ങിയതിന് 232 പേര്ക്കെതിരെയും പൊലീസ് കേസെടുത്ത് പിഴ ഈടാക്കി. മാസ്ക് ധരിക്കണമെന്ന ഉത്തരവ് ലംഘിക്കുന്നവര്ക്കും മറ്റ് ആരോഗ്യ ജാഗ്രതാ നിര്ദേശങ്ങള് ലംഘിക്കുന്നവര്ക്കുമെതിരെ പൊലീസ് കര്ശന നിയമ നടപടികള് സ്വീകരിച്ചു വരികയാണ്.