സംസ്ഥാനത്ത് മിക്ക ജില്ലകളിലും കൊവിഡ് വാക്‌സിന്‍ സ്റ്റോക്ക് തീര്‍ന്നു; നാളെ എല്ലായിടത്തും വാക്‌സിനേഷന്‍ സാധിക്കില്ലെന്നും മന്ത്രി വീണാ ജോര്‍ജ്ജ്
കേന്ദ്രത്തോട് വാക്‌സിന്‍ ആവശ്യപ്പെട്ടിട്ടുണ്ടെന്നും മന്ത്രി
തിരുവനന്തപുരം: സംസ്ഥാനത്ത് മിക്ക ജില്ലകളിലും കൊവിഡ് വാക്‌സിന്‍ സ്റ്റോക്ക് തീര്‍ന്നെന്ന് മന്ത്രി വീണാ ജോര്‍ജ്ജ്. തിരുവനന്തപുരം, കൊല്ലം, പത്തനം തിട്ട ജില്ലകളില്‍ വാക്‌സിന്‍ സ്റ്റോക്ക് തീര്‍ന്നു. നാളെ ഈ ജില്ലകളില്‍ വാക്‌സിന്‍ നല്‍കാന്‍ സാധിക്കില്ല. കേന്ദ്രത്തോട് നിരന്തരമായി വാക്‌സിന്‍ ആവശ്യപ്പെടുന്നുണ്ട്. അടിയന്തിരമായി 60 ലക്ഷം വാക്‌സിന്‍ ആവശ്യമുണ്ടെന്ന് കേന്ദ്രത്തോട് അറിയിച്ചിട്ടുണ്ടെന്നും മന്ത്രി മാധ്യമങ്ങളോട് പറഞ്ഞു.