ഇരുപതാം വയസ്സിൽ അമേരിക്കൻ സർവകലാശാലയിൽ നിന്ന് റാങ്കോടെ ബിരുദം; ചരിത്രം സൃഷ്ടിച്ച് മലപ്പുറം കൂട്ടിലങ്ങാടി സ്വദേശി

മ​ല​പ്പു​റം: അ​മേ​രി​ക്കൻ സർവകലാശാലയിൽ നിന്ന് ഇരുപതാം വയസ്സിൽ ബിരുദം നേടി മലപ്പുറം കൂട്ടിലങ്ങാടി സ്വദേശി ചരിത്രം സൃഷ്ടിച്ചു. അമേരിക്കയിലെ കെ​ന്നെ​സോ സ്​​റ്റേ​റ്റ് യൂ​നി​വേ​ഴ്സി​റ്റി​യി​ൽ നിന്നാണ് മ​ങ്ക​ട ക​ള​ത്തി​ങ്ങ​ൽ പ​രേ​ത​നാ​യ ഷൗ​ക്ക​ത്ത​ലി​യു​ടെ​യും കൂ​ട്ടി​ല​ങ്ങാ​ടി​യി​ലെ ഹാ​ബി​ദ ഏ​ല​ച്ചോ​ല​യു​ടെ​യും മ​ക​നാ​യ നിഹാദ് കളത്തിൽ കമ്പ്യൂട്ടർ സയൻസിൽ ഒ​ന്നാം റാ​ങ്കോടെ ബി​രു​ദം നേ​ടി​യത്. ഈ ​സ​ർ​വ​ക​ലാ​ശാ​ല​യി​ൽ ഒ​ന്നാ​മ​നാ​വു​ന്ന ഏ​റ്റ​വും പ്രാ​യം കു​റ​ഞ്ഞ വി​ദ്യാ​ർ​ഥി​യാ​ണ് നിഹാദ്.

ഇതിനകം യൂ​നി​വേ​ഴ്സി​റ്റി റീ​ജ​ൻ​റ്സ് പ​ട്ടി​ക​യി​ൽ നിഹാദ് ഇ​ടം​പി​ടി​ച്ചി​ട്ടു​ണ്ട്. വി​ദ്യാ​ർ​ഥി​യാ​യി​രി​ക്കെ​ത്ത​ന്നെ സ​ർ​വ​ക​ലാ​ശാ​ല​യി​ൽ ക്ലാ​സെ​ടു​ക്കാ​നും അ​വ​സ​രം ല​ഭി​ച്ചു. ഒ​രു ഇ​ൻ​ഷു​റ​ൻ​സ് ക​മ്പ​നി​യി​ൽ പ്രോ​ഗ്രാ​മ​റാ​യി പാ​ർ​ട്ട് ടൈം ​ജോ​ലി ചെയ്താണ് ബിരുദം പൂർത്തിയാക്കിയത്. പ​ഠ​നം കഴിഞ്ഞതോടെ സ്ഥി​ര​നി​യ​മ​ന​വും ല​ഭി​ച്ചു.

സ്​​റ്റേ​റ്റ് ഹാ​ക്ക​ത്ത​ണി​ൽ ഒ​ന്നാ​മ​തെ​ത്തി​യ ടീ​മി​നെ ന​യി​ച്ച് ക​മ്പ്യൂ​ട്ട​ർ പ്രോ​ഗ്രാ​മി​ൽ നിഹാദ് പ്ര​തി​ഭ തെ​ളി​യി​ച്ചിട്ടുണ്ട്.