കണ്ണൂര്‍: കണ്ണൂര്‍ അന്താരാഷ്ട്ര വിമാനത്താവളത്തില്‍ യാത്രക്കാരനില്‍ നിന്ന് എയര്‍ ഇന്റലിജന്‍സ് ഉദ്യോഗസ്ഥര്‍ സ്വര്‍ണം പിടികൂടി. 23.66 ലക്ഷം രൂപ വിലവരുന്ന 489 ഗ്രാം സ്വര്‍ണമാണ് പിടികൂടിയത്.
സ്വര്‍ണം കടത്താന്‍ ശ്രമിച്ച കര്‍ണാടക സ്വദേശി അക്‌നാസ് മക്കി നസീറിനെ കസ്റ്റംസ് വിഭാഗം അറസ്റ്റ് ചെയ്തു. ഷാര്‍ജയില്‍ നിന്നുള്ള ഇന്‍ഡിഗൊ വിമാനത്തിലാണ് അക്‌നാസ് എത്തിയത്.
സ്വര്‍ണം രണ്ട് കാപ്‌സ്യൂളുകളിലായി മലദ്വാരത്തിലാണ് സൂക്ഷിച്ചിരുന്നത്.
അസിസ്റ്റന്റ് കമ്മീഷണര്‍ മുഹമ്മദ് ഫയ്‌സ്, സൂപ്രണ്ട് ബേബി വി പി, കെ പി സേതുമാധവന്‍, ഇന്‍സ്‌പെക്ടര്‍ ജുബെര്‍ ഖാന്‍, ദീപക്, സഞ്ജീവ് ഗുപ്ത, ഹെഡ് ഹവില്‍ദാര്‍ രാജന്‍ എന്നിവരാണ് സ്വര്‍ണം പിടികൂടിയ സംഘത്തിലുണ്ടായിരുന്നത്.