തിരുവനന്തപുരം: സംസ്ഥാനത്ത് സ്വര്ണവിലയില് വീണ്ടും വര്ധന. പവന് 240 രൂപ കൂടി 63,760 രൂപയായി. ഗ്രാമിന് 7,970 രൂപയിലാണ് വ്യാപാരം പുരോഗമിക്കുന്നത്. ജനുവരി 22നാണ് പവന് വില ആദ്യമായി 60,000 കടന്നത്. തുടര്ന്ന് 24ന് 60,440 രൂപയായി ഉയര്ന്ന് സര്വകാല റിക്കാര്ഡിലെത്തി. 31ന് പവന് ഒറ്റയടിക്ക് 960 രൂപ ഉയര്ന്ന് 61,000 രൂപയെന്ന പുതിയ ഉയരം താണ്ടിയിരുന്നു.
ആഗോള വിപണിയിലെ ചലനങ്ങളും ഡോളര് ശക്തിയാര്ജിക്കുന്നത് അടക്കമുള്ള ഘടകങ്ങളുമാണ് സ്വര്ണവിലയെ സ്വാധീനിക്കുന്നത്. രാജ്യാന്തര സ്വര്ണവില നിലവില് ഔണ്സിന് 25 ഡോളര് ഉയര്ന്ന് 2,909 ഡോളറായി.