ഔദ്യോഗിക പരിപാടിക്കായി ഡല്ഹിയിലെത്തിയ ഗോവ ഡിജിപി ഹൃദയസ്തംഭനം മൂലം മരിച്ചു
ഈ വര്ഷം മാര്ച്ചിലാണ് ഗോവ ഡിജിപിയായി നിയമിതനായത്.
പനാജി: ഗോവ ഡിജിപി പ്രണാബ് നന്ദ ഡല്ഹിയില് അന്തരിച്ചു. ഔദ്യോഗിക പരിപാടിയുടെ ഭാഗമായി ഡല്ഹിയിലെത്തിയതായിരുന്നു അദ്ദേഹം. ഹൃദയസ്തംഭനം മൂലമാണ് മരണം.
1988 ബാച്ചിലെ ഐപിഎസ് ഉദ്യോഗസ്ഥനായ പ്രണാബ് അരുണാചല് പ്രദേശ്, മിസോറാം കാഡറിലെ ഉദ്യോഗസ്ഥനാണ്. ഈ വര്ഷം മാര്ച്ചിലാണ് ഗോവ ഡിജിപിയായി നിയമിതനായത്.
ഔദ്യോഗിക പരിപാടിയുടെ ഭാഗമായി ഡല്ഹിയിലെത്തിയ അദ്ദേഹത്തിന് ഇന്ന് അതിരാവിലെ നെഞ്ച് വേദന അനുഭവപ്പെടുകയായിരുന്നു. തുടര്ന്ന് പെട്ടെന്നു തന്നെ മരണം സംഭവിക്കുകയും ചെയ്തു. പോണ്ടിച്ചേരിയിലെ പോലിസ് ഡയറക്ടര് ജനറലായും സേവനമനുഷ്ടിച്ചിട്ടുണ്ട്. അതിന് മുമ്പ് ദീര്ഘകാലം ഐബിയിലായിരുന്നു.