പുതിയങ്ങാടിയില് ഗ്യാസ് സിലിണ്ടര് പൊട്ടിത്തെറിച്ച് അപകടം; ഒരാളുടെ നില ഗുരുതരം
പുതിയങ്ങാടി: കണ്ണൂര് പുതിയങ്ങാടിയില് പാചക ഗ്യാസ് സിലിന്ഡര് ലീക്കായതിനെ തുടര്ന്നുണ്ടായ തീപ്പിടുത്തത്തില് നാല് ഇതര സംസ്ഥാന തൊഴിലാളികള്ക്ക് പൊള്ളലേറ്റു. ഒരാളുടെ നില ഗുരുതരമാണ്. പുതിയങ്ങാടി ഹാര്ബറിന് സമീപത്തെ കോര്ട്ടേഴ്സില് നിന്നാണ് അപകടം.
ഇന്ന് രാവിലെ ഭക്ഷണം പാകംചെയ്യാന് വേണ്ടി പോയപ്പോള് ഗ്യാസ് സിലിന്ഡര് ലീക്കായാണ് തീ പടര്ന്നത്. ഒറീസ സ്വദേശികളായ തൊഴിലാളികള്ക്കാണ് പരിക്കേറ്റത്. പരിക്കേറ്റവരെ പരിയാരത്തെ കണ്ണൂര് മെഡിക്കല് കോളജ് ആശുപത്രി പ്രവേശിപ്പിച്ചിട്ടുണ്ട്. പൊള്ളലേറ്റതില് ഒരാള് അതിതീവ്ര പരിചരണ വിഭാഗത്തില് ചികില്സയിലാണ്. ഫയര്ഫോഴ്സെത്തി കോര്ട്ടേഴ്സില് നിന്നും പാചക വാതക സിലിന്ഡര് നിര്വീര്യമാക്കി.