അബുദാബി: യു.എ.ഇയില്‍ കൊവിഡ് ബാധിച്ച് നാലു പേര്‍ മരിച്ചതായി ആരോഗ്യ രോഗപ്രതിരോധ മന്ത്രാലയം അറിയിച്ചു. കഴിഞ്ഞ 24 മണിക്കൂറിനിടെ 1730 പേര്‍ക്ക് രോഗം ബാധിച്ചു. 1435 പേര്‍ രോഗ മുക്തി നേടിയതായും മന്ത്രാലയം വെളിപ്പെടുത്തി. ഇതോടെ, രാജ്യത്ത് ആകെ രോഗികളുടെ എണ്ണം 2,07,822 ആയി. ഇവരില്‍ 1,84,442 പേര്‍ക്ക് രോഗം ഭേദമായി. ഇതുവരെ 665 പേര്‍ കൊവിഡ് ബാധമൂലം മരണപ്പെട്ടു. നിലവില്‍ രാജ്യത്ത് വിവിധ ആശുപത്രികളിലായി 22,711 പേര്‍ ചികിത്സയില്‍ കഴിയുന്നുണ്ട്.
യു.എ.ഇയില്‍ ഇതുവരെ 20.8 ദശലക്ഷം പേര്‍ക്ക് കൊവിഡ് പരിശോധന നടത്തി. ഷാര്‍ജ, ഉമ്മുല്‍ഖുവൈന്‍, ഫുജൈറ, അജ്മാന്‍, റാസല്‍ഖൈമ, അബുദാബി എന്നീ എമിറേറ്റുകളില്‍ കൊവിഡ് മാനദണ്ഡങ്ങള്‍ കര്‍ശനമായി പാലിക്കുന്നുണ്ടെന്ന് ഉറപ്പുവരുത്താന്‍ പ്രത്യേക സംഘങ്ങള്‍ പ്രവര്‍ത്തിക്കുന്നുണ്ട്.