പട്ന: ബിഹാറില് 121 മണ്ഡലങ്ങളിലേക്കുള്ള ആദ്യഘട്ട വോട്ടെടുപ്പ് ആരംഭിച്ചു. തേജസ്വി യാദവ്, സാമ്രാട്ട് ചൗധരി, തേജ് പ്രതാപ് യാദവ്, മിതാലി താക്കൂര് അടക്കമുള്ള 1,314 സ്ഥാനാര്ഥികളാണ് ആദ്യഘട്ടത്തില് മല്സരിക്കുന്നത്. 3.75 കോടി കോടി വോട്ടര്മാരാണ് വിധിയെഴുതുക.
വന് പ്രഖ്യാപനങ്ങള് അടങ്ങുന്നതായിരുന്നു എന്ഡിഎയുടെയും മഹാസഖ്യത്തിന്റെയും പ്രകടന പത്രിക. ഓരോ വീട്ടിലും ഒരു സര്ക്കാര് ജോലി എന്നതായിരുന്നു മഹാസഖ്യത്തിന്റെ പ്രധാന വാഗ്ദാനം. ആര്ജെഡി നേതാവ് തേജസ്വി യാദവ് നേരത്തെ നടത്തിയ പ്രഖ്യാപനമാണ് പ്രകടന പത്രികയിലും ഉള്പ്പെടുത്തിയിരുന്നത്. 25 വാഗ്ദാനങ്ങള് ഉള്പ്പെടുത്തി 69 പേജുളള പ്രകടന പത്രികയാണ് പുറത്തിറക്കിയിരിക്കുന്നത്. പ്രധാനമന്ത്രി നരേന്ദ്രമോദി അടക്കമുള്ളവരെ കളത്തില് ഇറക്കിയായിരുന്നു എന്ഡിഎ തിരഞ്ഞെടുപ്പ് പ്രചാരണം നടത്തിയിരുന്നത്. മഹാസഖ്യത്തിനായി രാഹുല് ഗാന്ധിയും പ്രചാരണത്തിനിറങ്ങിയിരുന്നു.