കര്ഷകര്ക്കു മുന്നില് ഫാഷിസ്റ്റ് പ്രധാനമന്ത്രി മുട്ടുമടക്കി: കെ സുധാകരന്
ബ്രിട്ടീഷുകാര്ക്കെതിരേ ഇന്ത്യന് ജനത നടത്തിയ ഐതിഹാസിക പോരാട്ടത്തെ അനുസ്മരിപ്പിക്കുന്നതാണ് കര്ഷക സമരം. 750ലധികം കര്ഷകരാണ് 15 മാസം നീണ്ട പ്രക്ഷോഭത്തിനിടയില് കൊല്ലപ്പെട്ടത്.
തിരുവനന്തപുരം: ഇന്ത്യയിലെ കര്ഷകകോടികളുടെ മുന്നില് നരേന്ദ്രമോഡിയെന്ന ഫാഷിസ്റ്റ് ഭരണാധികാരിക്ക് മുട്ടുമുടക്കേണ്ടി വന്നത് ഇന്ത്യന് ജനാധിപത്യത്തിന് ശുഭസൂചന നല്കുന്നുവെന്ന് കെപിസിസി പ്രസിഡന്റ് കെ സുധാകരന് എംപി. കോണ്ഗ്രസ് പാര്ലമെന്റിനകത്തും പുറത്തും കര്ഷകര്ക്കൊപ്പം നിന്ന് ഉജ്വല പോരാട്ടം നടത്തി.
മോദിയുടെ പതനം കര്ഷകരുടെ സമരഭൂമിയില് നിന്ന് ആരംഭിച്ചിരിക്കുകയാണ്. ഇനി അതു രാജ്യമാകെ ആളിപ്പടരും. കര്ഷകരെ കോര്പറേറ്റുകള്ക്ക് തീറെഴുതാനുള്ള മോദി സര്ക്കാരിന്റെ അജണ്ടയാണ് ജനാധിപത്യ ശക്തികള് പൊളിച്ചടുക്കിയത്.
ബ്രിട്ടീഷുകാര്ക്കെതിരേ ഇന്ത്യന് ജനത നടത്തിയ ഐതിഹാസിക പോരാട്ടത്തെ അനുസ്മരിപ്പിക്കുന്നതാണ് കര്ഷക സമരം. 750ലധികം കര്ഷകരാണ് 15 മാസം നീണ്ട പ്രക്ഷോഭത്തിനിടയില് കൊല്ലപ്പെട്ടത്. കര്ഷക ലക്ഷങ്ങളെ അഭിവാദ്യം ചെയ്യുന്നു.
വിവിധ സംസ്ഥാനങ്ങളില് തിരഞ്ഞെടുപ്പ് പ്രഖ്യാപിക്കുന്നതിന് മുമ്പായി കര്ഷക വിരുദ്ധ നിയമം പിന്വലിക്കാനുള്ള പ്രധാനമന്ത്രിയുടെയും കേന്ദ്ര സര്ക്കാരിന്റെയും ഉദ്ദേശ്യശുദ്ധി സംശയാസ്പദമാണെന്നും സുധാകരന് വാര്ത്താക്കുറുപ്പില് പറഞ്ഞു.
ആഹ്ലാദപ്രകടനം ഇന്ന്
പതിനഞ്ച് മാസം നീണ്ട കര്ഷക സമരത്തിലേക്ക് നയിച്ച കാര്ഷിക കരിനിയമങ്ങള് പിന്വലിക്കുമെന്ന് പ്രധാനമന്ത്രി അറിയിച്ച സാഹചര്യത്തില് സംസ്ഥാനമൊട്ടാകെ ഇന്ന്(നംവബര് 19) കോണ്ഗ്രസ് പ്രവര്ത്തകര് ആഹ്ലാദ പ്രകടനം നടത്തുമെന്ന് കെപിസിസി പ്രസിഡന്റ് അറിയിച്ചു.