ക്രിസ്മസ് ദിനത്തില് ദുബൈയില് വാഹനാപകടത്തില് മരണപ്പെട്ട മലയാളി വിദ്യാര്ത്ഥികളുടെ മൃതദേഹം വ്യാഴാഴ്ച നാട്ടിലെത്തിക്കും
ഇരുവരുടെയും മൃതദേഹങ്ങളുടെ എംബാമിംഗ് നടപടികള് പൂര്ത്തിയാക്കിയതിനു ശേഷമായിരിക്കും നാട്ടിലേക്ക് കൊണ്ടുപോകുക.
ദുബൈ: ക്രിസ്മസ് ദിനത്തില് ദുബൈ ജബല് അലിയില് കാര് അപകടത്തില് മരണപ്പെട്ട വിദ്യാര്ത്ഥികളുടെ മൃതദേഹം വ്യാഴാഴ്ച രാത്രി നാട്ടിലേക്ക് കൊണ്ടുപോകും. ഇരുവരുടെയും മൃതദേഹങ്ങളുടെ എംബാമിംഗ് നടപടികള് പൂര്ത്തിയാക്കിയതിനു ശേഷമായിരിക്കും നാട്ടിലേക്ക് കൊണ്ടുപോകുക. തിരുവനന്തപുരം കവടിയാര് കേശവസദനത്തില് അനന്തകുമാര്- രാജേശ്വരി ദമ്പതികളുടെ മകന് ശരത് കുമാറിന്റെ മൃതദേഹം ഇന്ന് രാത്രി 9:40 നുള്ള ദുബൈ-തിരുവനന്തപുരം എമിറേറ്റ്സ് വിമാനത്തിലും കൃഷ്ണകുമാര്-ഗീതു ദമ്പതികളുടെ മകന് രോഹിത്തിന്റെ മൃതദേഹം വെള്ളിയാഴ്ച പുലര്ച്ചെ ദുബൈ സമയം 2:40 നുള്ള ദുബൈ-കൊച്ചി വിമാനത്തിലുമാണ് നാട്ടിലെത്തിക്കുകയെന്ന് സാമൂഹ്യക പ്രവര്ത്തകന് നസീര് വാടാനപ്പള്ളി അറിയിച്ചു.