കോഴിക്കോട് ബ്രാഞ്ചില് ഡോക്ടര്മാര് നാളെ പണിമുടക്കും
അത്യാഹിത വിഭാഗത്തെ പണിമുടക്കില്നിന്ന് ഒഴിവാക്കിയിട്ടുണ്ട്.
കോഴിക്കോട്: സ്വകാര്യ ആശുപത്രിയിലെ ഡോക്ടറെ രോഗിയുടെ ബന്ധുക്കള് മര്ദ്ദിച്ചതില് പ്രതിഷേധിച്ച് കോഴിക്കോട് ബ്രാഞ്ചില് നാളെ ഡോക്ടര്മാര് പണിമുടക്കും. രാവിലെ ആറു മുതല് വൈകീട്ട് ആറുവരെയാണ് പണിമുടക്ക്. അത്യാഹിത വിഭാഗത്തെ പണിമുടക്കില്നിന്ന് ഒഴിവാക്കിയിട്ടുണ്ട്.
ആരോഗ്യപ്രവര്ത്തകര്ക്ക് നേരെ നിരന്തരം ആക്രമണങ്ങള് നടക്കുന്നത് അംഗീകരിക്കാനാവില്ലെന്നാണ് ഐഎംഎയുടെ നിലപാട്. കര്ശന നടപടിയുണ്ടായില്ലെങ്കില് പ്രത്യക്ഷ സമരത്തിലേക്ക് നീങ്ങുമെന്നും ഐഎംഎ അറിയിച്ചു. ആശുപത്രി കൗണ്ടറിന്റെ ചില്ലും ചെടിച്ചട്ടികളും രോഗിയുടെ കൂട്ടിരിപ്പുകാര് അടിച്ചു തകര്ത്തിരുന്നു. പ്രസവത്തിനിടെ കുഞ്ഞ് മരിച്ചിട്ടും ചികിത്സ വൈകിപ്പിച്ചതാണ് പ്രകോപനത്തിന് കാരണമെന്ന് രോഗിയുടെ ബന്ധുക്കള് പറയുന്നു.