ഡല്‍ഹിയില്‍ ഭൂചലനം; ആളപായമില്ല
ഡല്‍ഹി-എന്‍സിആര്‍ മേഖലയില്‍ രാത്രി ഏഴോടെയാണ് ഭൂചലനം അനുഭവപ്പെട്ടത്.
ന്യൂഡല്‍ഹി: രാജ്യതലസ്ഥാനമായ ഡല്‍ഹിയില്‍ ഭൂചലനം. റിക്ചര്‍ സ്‌കെയിലില്‍ 4.7 തീവ്രത രേഖപ്പെടുത്തിയ ഭൂചലനത്തിന്റെ ഉത്ഭവകേന്ദ്രം ഇനിയും വ്യക്തമായിട്ടില്ല. ഡല്‍ഹി-എന്‍സിആര്‍ മേഖലയില്‍ രാത്രി ഏഴോടെയാണ് ഭൂചലനം അനുഭവപ്പെട്ടത്. ഭൂചലനം അനുഭവപ്പെട്ടതോടെ പല ഫഌറ്റുകളില്‍ നിന്നും വീടുകളില്‍ നിന്നും ആളുകള്‍ കൂട്ടത്തോടെ പുറത്തിറങ്ങി. ആളപായമോ മറ്റ് നാശനഷ്ങ്ങളോ ഇല്ലെന്നാണ് പ്രാഥമിക റിപ്പോര്‍ട്ട്. കഴിഞ്ഞ രണ്ട് മാസത്തിനിടെ ഡല്‍ഹിയില്‍ പലയിടത്തും ഭൂചലനം അനുഭവപ്പെട്ടിരുന്നു