കൊവിഡ്: തമിഴ്‌നാട് മന്ത്രിയുടെ നില ഗുരുതരം
72കാരനായ ദുരൈക്കണ്ണ് വെന്റിലേറ്ററിന്റെ സഹായത്താലാണ് ജീവന്‍ നിലനിര്‍ത്തുന്നതെന്നും സ്ഥിതി വഷളായതായും ആശുപത്രി വൃത്തങ്ങള്‍ അറിയിച്ചു.
ചെന്നൈ: കൊവിഡ് ബാധിതനായി ചികില്‍സയില്‍ കഴിയുന്ന തമിഴ്‌നാട് കൃഷി മന്ത്രി ദുരൈക്കണ്ണിന്റെ നില അതീവ ഗുരുതരമെന്ന് മെഡിക്കല്‍ ബുള്ളറ്റിന്‍.72കാരനായ ദുരൈക്കണ്ണ് വെന്റിലേറ്ററിന്റെ സഹായത്താലാണ് ജീവന്‍ നിലനിര്‍ത്തുന്നതെന്നും സ്ഥിതി വഷളായതായും ആശുപത്രി വൃത്തങ്ങള്‍ അറിയിച്ചു.
ശ്വാസതടസ്സത്തെതടുര്‍ന്ന് ഈ മാസം 13നാണ് ദുരൈക്കണ്ണിനെ ചെന്നൈയിലെ കാവേരി ആശുപത്രിയില്‍ പ്രവേശിപ്പിച്ചത്. തുടര്‍ന്നു നടത്തിയ പരിശോധനയിലാണ് കൊവിഡ് സ്ഥിരീകരിച്ചത്. നേരത്തേ വില്ലുപുരത്തെ ആശുപത്രിയില്‍ പ്രവേശിപ്പിച്ച ദുരൈക്കണ്ണിനെ പിന്നീട് കാവേരിയിലേക്ക് മാറ്റുകയായിരുന്നു.