മഹാരാഷ്ട്രയില്‍ കൊവിഡ് ബാധിതരുടെ എണ്ണം ഏഴ് ലക്ഷത്തിലേക്ക്

മുംബൈ: മഹാരാഷ്ട്രയില്‍ പുതുതായി 14,492 പേര്‍ക്കു കൂടി കൊവിഡ് 19 സ്ഥിരീകരിച്ചു. ഇതോടെ സംസ്ഥാനത്തെ ആകെ കൊവിഡ് ബാധിതരുടെ എണ്ണം 6,61,942 ആയി ഉയര്‍ന്നു. സംസ്ഥാനത്ത് 24 മണിക്കൂറിനിടെ 297 പേരാണ് കൊവിഡ് ബാധയെത്തുടര്‍ന്ന് മരിച്ചത്. ഇതിനോടകം 4,80,114 പേരാണ് സംസ്ഥാനത്ത് രോഗമുക്തി നേടിയതെന്നും 1,69,516 പേര്‍ നിലവില്‍ ചികില്‍സയിലുണ്ടെന്നും മഹാരാഷ്ട്ര ആരോഗ്യ വകുപ്പ് വ്യക്തമാക്കി .

മുംബൈയില്‍ മാത്രം 1,134 പേര്‍ക്കാണ് പുതുയായി കൊവിഡ് സ്ഥിരീകരിച്ചത്. 1,101 പേര്‍ രോഗമുക്തി നേടി . ഇതോടെ മുംബൈയിലെ രോഗബാധിതരുടെ എണ്ണം 1,35,357 ആയി. ഇതില്‍ 18,298 എണ്ണം സജീവ കേസുകളാണ്. 1,09,369 പേര്‍ രോഗമുക്തി നേടിയപ്പോള്‍ 7,385 പേര്‍ക്ക് ജീവന്‍ നഷ്ടമായി.