കൊവിഡ്19: തൊഴില്‍ നഷ്ടപ്പെടുമോ എന്ന ഭീതിയില്‍ കുടുംബം കൂട്ടആത്മഹത്യ ചെയ്തു
ധാര്‍വാഡ്: കൊവിഡ് വ്യാപനത്തിന്റെ പശ്ചാത്തലത്തില്‍ തൊഴില്‍ നഷ്ടപ്പെടുമോ എന്ന ഭീതിയില്‍ ഒരു കുടുംബത്തിലെ മൂന്ന് പേര്‍ ആത്മഹത്യ ചെയ്തു. കര്‍ണാടകയിലെ ധാര്‍വാഡിലാണ് സംഭവം.
മാതാപിതാക്കളും ഒരു മകളും അടങ്ങുന്ന കുടുംബം തങ്ങളുടെ തൊഴില്‍ നഷ്ടപ്പെടുമെന്ന ഭീതിയില്‍ ആത്മഹത്യ ചെയ്യുകയായിരുന്നുവെന്ന് ധാര്‍വാഡ് സബര്‍ബന്‍ പോലിസ് പറയുന്നു.
ആത്മഹത്യയുടെ കാരണം വ്യക്തമാക്കുന്ന ആത്മഹത്യകുറിപ്പ് കണ്ടെടുത്തിട്ടുണ്ട്. കൂടുതല്‍ അന്വേഷണങ്ങള്‍ നടക്കുന്നതായും അസ്വഭാവിക മരണത്തിന് കേസെടുത്തിട്ടുണ്ടെന്നും പോലിസ് പറഞ്ഞു.