ഡല്‍ഹിയിലെ മൂന്ന് മുനിസിപ്പല്‍ കോര്‍പറേഷനുകളും ഏകീകരിക്കുന്നു; ഉത്തരവ് പുറത്തിറങ്ങി
ന്യൂഡല്‍ഹി: ഡല്‍ഹിയിലെ മൂന്ന് മുനിസിപ്പില്‍ കോര്‍പറേഷനുകളും ഏകീകരിക്കാനുള്ള ഉത്തരവ് കേന്ദ്ര ആഭ്യന്തര മന്ത്രാലയം പുറത്തിറക്കി. മെയ് 22നാണ് ഏകീകരണം നിലവില്‍ വരിക.
ഇതോടെ തെക്ക്, വടക്ക്, കിഴക്ക് ഡല്‍ഹി മുനിസിപ്പല്‍ കോര്‍പറേഷനുകള്‍ ഇല്ലാതായി പകരം ഡല്‍ഹി മുനിസിപ്പല്‍ കോര്‍പറേഷന്‍ നിലവില്‍ വരും.
ഡല്‍ഹി മുനിസിപ്പല്‍ കോര്‍പറേഷന്‍ ഭേദഗതി നിയമം, 2022 അനുസരിച്ച് കേന്ദ്ര സര്‍ക്കാര്‍ ഒരു സ്‌പെഷ്യല്‍ ഓഫിസറെ നിയമിക്കും. കോര്‍പറേഷന്റെ ആദ്യ യോഗം നടക്കുന്നതുവരെ അദ്ദേഹത്തിനായിരിക്കും ഭരണച്ചുമതല.