ലിസ്ബണ്‍: ചാംപ്യന്‍സ് ലീഗ്-യൂറോപ്പാ ലീഗ് ഫൈനലുകള്‍ പോര്‍ച്ചുഗലിലെ ലിസ്ബണില്‍ നടക്കും. നേരത്തെ തുര്‍ക്കിയിലെ ഇസ്താംബൂളില്‍ നടത്താന്‍ തീരുമാനിച്ച ഫൈനലാണ് സാമ്പത്തിക മാന്ദ്യത്തെ തുടര്‍ന്ന് മാറ്റിയത്. കൊറോണാ വൈറസ് ബാധ കാരണം തുര്‍ക്കിയുടെ സാമ്പത്തിക സ്ഥിതി മോശമാണെന്നും ഇത്രയും വലിയ ടൂര്‍ണ്ണമെന്റ് നടത്താന്‍ രാജ്യത്തിന് കഴിയില്ലെന്നും തുര്‍ക്കി യുവേഫായെ അറിയിക്കുകയായിരുന്നു. തുടര്‍ന്നുള്ള ഓഗസ്റ്റ് 22ന് ഫൈനല്‍ നടത്താനാണ് യുവേഫാ തീരുമാനിച്ചത്. അതിനിടെ തുടര്‍ന്നുള്ള ചാംപ്യന്‍സ് ലീഗ്, യൂറോപ്പാ മല്‍സരങ്ങള്‍ ഒറ്റപാദങ്ങളിലായി നടത്താനാണ് യുവേഫാ തീരുമാനിച്ചത്. നിലവില്‍ കളിക്കേണ്ട രണ്ടാം പാദമല്‍സരത്തിന് ശേഷമുള്ള ക്വാര്‍ട്ടര്‍ ഫൈനലുകളാണ് ഒരു മല്‍സരമായി ചുരുക്കുന്നത്. എട്ട് മല്‍സരങ്ങളോടെ ടൂര്‍ണ്ണമെന്റ് അവസാനിപ്പിക്കാനാണ് യൂവേഫായുടെ തീരുമാനം.