സ്റ്റാര്ട്ടപ്പ് മേഖലയിലെ മികച്ച പ്രകടനത്തിനുള്ള കേന്ദ്ര സര്ക്കാരിന്റെ സ്റ്റാര്ട്ടപ്പ് പുരസ്കാരം തുടര്ച്ചയായി മൂന്നാം തവണയും കേരളത്തിന്
തിരുവനന്തപുരം: സ്റ്റാര്ട്ടപ്പ് മേഖലയിലെ മികച്ച പ്രകടനത്തിനുള്ള കേന്ദ്ര സര്ക്കാരിന്റെ സ്റ്റാര്ട്ടപ്പ് പുരസ്കാരം തുടര്ച്ചയായി മൂന്നാം തവണയും കേരളത്തിന്. കേന്ദ്ര വ്യവസായ, ആഭ്യന്തര വാണിജ്യ പ്രോത്സാഹന വകുപ്പിന്റെ സ്റ്റാര്ട്ടപ്പ് ഇന്ത്യയും കേന്ദ്ര വ്യവസായവാണിജ്യ വകുപ്പ് മന്ത്രാലയവും സംയുക്തമായി രൂപപ്പെടുത്തിയ വിദഗ്ദ്ധ സമിതിയാണ് ഈ പുരസ്കാരം നല്കുന്നത്.
കരുത്തുറ്റ സ്റ്റാര്ട്ടപ്പ് അന്തരീക്ഷ വികസനത്തിന് പ്രാമുഖ്യം നല്കുന്നതിനാലാണ് കേന്ദ്രത്തിന്റെ സ്റ്റേറ്റ്സ് സ്റ്റാര്ട്ടപ്പ് റാങ്കിംഗില് 2021 ലെ ടോപ് പെര്ഫോര്മര് പുരസ്കാരത്തിന് കേരളം അര്ഹമായതെന്ന് മുഖ്യമന്ത്രി പറഞ്ഞു.
ഉല്പ്പന്ന രൂപകല്പ്പനയ്ക്കും വികസന പ്രവര്ത്തനങ്ങള്ക്കുമുള്ള ഡിജിറ്റല് ഹബ്ബെന്ന നിലയില് കേരള സ്റ്റാര്ട്ടപ്പ് മിഷനെ പോലുള്ള ദൗത്യങ്ങള് സംസ്ഥാന സര്ക്കാര് പ്രോത്സാഹിപ്പിക്കുന്നതിനെ പുരസ്കാര പ്രഖ്യാപനത്തിന്റെ ഭാഗമായി സമിതി പ്രകീര്ത്തിച്ചു.
3,600 ഓളം സ്റ്റാര്ട്ടപ്പുകളാണ് സംസ്ഥാനത്ത് ഇപ്പോഴുളളത്. 2026 ഓടെ 15,000 സ്റ്റാര്ട്ടപ്പുകള് കൂടിയാരംഭിക്കാനാണ് സര്ക്കാര് ലക്ഷ്യമിടുന്നത്.