കോഴിക്കോട്: ഫേസ്ബുക്കിലൂടെ കലാപാഹ്വാനം നടത്തിയതിന് തീവ്ര വിദ്വേഷ പ്രചാരകനും ഹിന്ദുസേനാ നേതാവുമായ പ്രതീഷ് വിശ്വനാഥിനെതിരേ ഡിജിപിക്ക് പരാതി നല്‍കി. ഹൈക്കോടതി അഭിഭാഷകനും രാജീവ് ഗാന്ധി സ്റ്റഡി സര്‍ക്കിള്‍ സംസ്ഥാന ഇന്‍ചാര്‍ജുമായ വി ആര്‍ അനൂപാണ് ഇതുസംബന്ധിച്ച് ഡിജിപിക്ക് പരാതി നല്‍കിയത്. മുമ്പ് പലതവണ ആയുധപ്രദര്‍ശനം അടക്കം നടത്തിയിട്ടും നിരവധി പരാതികള്‍ നല്‍കിയിട്ടും നടപടിയുണ്ടാവാത്ത സാഹചര്യത്തില്‍ കൂടിയാണ് ഇപ്പോള്‍ പരാതി നല്‍കിയത്.
പോപുലര്‍ ഫ്രണ്ടുമായി ബന്ധപ്പെട്ട പരാതിയില്‍ പെട്ടെന്ന് അറസ്റ്റുകളടക്കമുണ്ടായ സാഹചര്യത്തില്‍ പോപുലര്‍ ഫ്രണ്ടും ആര്‍എസ്എസ്സും ഒരു നാണയത്തിന്റെ ഇരുവശങ്ങളാണെന്ന് വിശ്വസിക്കുന്ന സര്‍ക്കാരിന്റെ ഭാഗത്തു നിന്ന് പ്രതീഷ് വിശ്വനാഥിന്റെ അറസ്റ്റ് ഉടനുണ്ടാവുമെന്ന പ്രതീക്ഷയിലാണ് ഇപ്പോഴത്തെ പരാതിയെന്ന് വി ആര്‍ അനൂപ് ചൂണ്ടിക്കാട്ടി.