രാജ്യത്തെ കൊവിഡ് പരിശോധനാ സംവിധാനത്തില്‍ കുതിച്ചുകയറ്റം; 24 മണിക്കൂറിനുള്ളില്‍ നടത്തിയത് 11 ലക്ഷം പരിശോധനകള്‍
ന്യൂഡല്‍ഹി: രാജ്യത്തെ കൊവിഡ് പരിശോധനാ സംവിധാനത്തില്‍ വലിയ കുതിച്ചുകയറ്റമുണ്ടായതായി ഐസിഎംആര്‍. കഴിഞ്ഞ 24 മണിക്കൂറിനുള്ളില്‍ രാജ്യത്താകമാനം 11 ലക്ഷം പരിശോധനകളാണ് നടത്തിയത്ാ. ഇതുവരെ രാജ്യത്ത് 58,50,38,043 പരിശോധനകള്‍ നടത്തി.
കഴിഞ്ഞ 24 മണിക്കൂറിനുള്ളില്‍ 11,81,766 കൊവിഡ് പരിശോധനകളാണ് രാജ്യത്ത് നടത്തിയത്- ഐസിഎംആര്‍ പുറത്തുവിട്ട വാര്‍ത്താകുറിപ്പില്‍ വ്യക്തമാക്കി.
രാജ്യത്ത് കഴിഞ്ഞ ദിവസം 18,166 പേര്‍ക്കാണ് കൊവിഡ് സ്ഥിരീകരിച്ചത്. കഴിഞ്ഞ 7 മാസത്തിനിടയില്‍ ഏറ്റവും കുറവ് പ്രതിദിന രോഗബാധയാണ് ഇത്.
2,27,347 സജീവ രോഗികളാണ് ഉള്ളത്. 209 ദിവസത്തിനുള്ളില്‍ ഏറ്റവും കുറവ് എണ്ണമാണ് ഇത്.