കോട്ടയം: സിദ്ദീഖ് കാപ്പന്റെ അറസ്റ്റ് കഴിഞ്ഞ് ഒന്നര മാസം പിന്നിടുമ്പോള്‍ ആദ്യപ്രതികരണവുമായി ഡിവൈഎഫ്‌ഐ. കോട്ടയത്ത് വിളിച്ചുചേര്‍ത്ത ഒരു പത്രസമ്മേളനത്തില്‍ പത്രപ്രവര്‍ത്തകര്‍ ഉയര്‍ത്തിയ ചോദ്യത്തിന് മറുപടി പറയുകയായിരുന്നു ഡിവൈഎഫ്‌ഐ സംസ്ഥാന സെക്രട്ടറി എ എ റഹിം. നിരപരാധികളെയും മാധ്യമപ്രവര്‍ത്തകരെയും വിചാരണയും മറ്റ് നിയമപരമായി നടപടിക്രമങ്ങളും പാലിക്കാതെ തടവിലിടുന്നത് കുറ്റകരമാണെന്ന് റഹിം പറഞ്ഞു.
നേരത്തെ ചാനലുകള്‍ക്കെതിരേ നടപടി വന്നപ്പോള്‍ മാധ്യമങ്ങള്‍ നിശ്ശബ്ദത പാലിച്ചു. സിദ്ദിഖിന്റെ അറസ്റ്റില്‍ ആരും പ്രൈംടൈം ചര്‍ച്ചനടത്തിയില്ല. ഏഷ്യാനെറ്റ് മീഡിയാവണ്‍ ചാനലുകള്‍ക്കെതിരേ നടപടിവന്നപ്പോള്‍ മറ്റു മാധ്യമങ്ങളും പ്രതകരിച്ചില്ല. റഹിം പറഞ്ഞു.