കോഴിക്കോട്: സംസ്ഥാനത്ത് വീണ്ടും അമീബിക് മസ്തിഷ്കജ്വരം. കോഴിക്കോട് മെഡിക്കല് കോളജില് ചികില്സയിലായിരുന്ന മലപ്പുറം വണ്ടൂര് തിരുവാലി സ്വദേശി എം ശോഭന ആണ് മരിച്ചത്. ഇതോടെ സംസ്ഥാനത്ത് രോഗം ബാധിച്ച് മരിച്ചവരുടെ എണ്ണം അഞ്ചായി. നിലവില് കോഴിക്കോട് മെഡിക്കല് കോളജില് രോഗം ബാധിച്ച് 10 പേരാണ് ചികില്സയിലുള്ളത്.
ഈ മാസം നാലിനാണ് ശോഭനക്ക് അമീബിക്മസ്തിഷ്കജ്വരംസ്ഥിരീകരിച്ചത്. കോഴിക്കോട് മെഡിക്കല് കോളജില് വെന്റിലേറ്ററിലായിരുന്ന വയനാട് സുല്ത്താന് ബത്തേരി സ്വദേശി മരിച്ചത് ഇക്കഴിഞ്ഞ ദിവസമാണ്. രണ്ടാഴ്ച മുമ്പ് മൂന്ന് മാസം പ്രായമായ കുഞ്ഞ് അമീബിക് മസ്തിഷ്ക ജ്വരം ബാധിച്ച് മരണപ്പെട്ടിരുന്നു.മൂന്ന് മാസം പ്രായമായ ആണ്കുഞ്ഞും വേങ്ങര സ്വദേശി റംലയുമാണ് മരിച്ചത്.