തിരുവനന്തപുരം: അലന്റെ കൊലപാതകവുമായി ബന്ധപ്പെട്ട് ഒളിവില് കഴിഞ്ഞിരുന്ന പ്രതികള് വഞ്ചിയൂര് കോടതിയില് കീഴടങ്ങി. കേസിലെ പ്രതികളായ അജിന്, അഭിജിത്ത്, കിരണ്, നന്ദു, അഖില് ലാല് എന്നിവരാണ് കീഴടങ്ങിയത്. ഇവര് തമിഴ്നാട്ടില് ഒളിവില് കഴിയുകയായിരുന്നു.
തമ്പാനൂര് അരിസ്റ്റോ തോപ്പില് ഡി 47ല് താമസിക്കുന്ന നെട്ടയം സ്വദേശി അലന് തിങ്കളാഴ്ചയാണ് കൊല്ലപ്പെട്ടത്. രാജാജി നഗറിലെ കൗമാരക്കാരും സ്കൂള് വിദ്യാര്ഥികളും തമ്മില് ഫുട്ബോള് കളിയുമായി ബന്ധപ്പെട്ട് സ്ഥിരമായി തര്ക്കങ്ങളുണ്ടായിരുന്നു. ഇതില്പ്പെട്ട 16-കാരന് തര്ക്കം പരിഹരിക്കാനെന്ന പേരില് വീടിനടുത്തുള്ള സംഘത്തെ വിളിച്ചു വരുത്തുകയായിരുന്നു. ഈ തര്ക്കത്തിന്റെ ഭാഗമല്ലാതിരുന്നയാളാണ് അലന്. ഈ കുട്ടിയുടെ ആവശ്യപ്രകാരമാണ് അലന് തൈക്കാട് എത്തിയത്. ഇവിടെവെച്ചുണ്ടായ സംഘട്ടനത്തില് അലനെ ഹെല്മെറ്റുകൊണ്ട് അടിച്ചുവീഴ്ത്തിയശേഷം കുത്തുകയായിരുന്നു.