കൊച്ചി: അല്‍ ഹസനി അസോസിയേഷന്റെ ആഭിമുഖ്യത്തില്‍ ആഗസ്റ്റ് പത്ത് മുതല്‍ ഇരുപത് വരെ നീണ്ടു നിന്ന ദശദിന കാംപയിന്‍ സമാപിച്ചു. കാംപയിനിന്റെ ഭാഗമായി പ്രബന്ധമത്സരം, ക്വിസ്മത്സരം, സ്വാതന്ത്ര്യസമരസേനാനികളെ പരിചയപ്പെടുത്തുന്ന ഫ്രീഡംക്ലാസുകള്‍, സോഷ്യല്‍മീഡിയ പോസ്റ്റര്‍ പ്രചാരണം തുടങ്ങി സമൂഹത്തില്‍ സ്വാതന്ത്ര്യബോധവും സമരസ്മരണകളും ഉണര്‍ത്തുന്ന വ്യത്യസ്ത പരിപാടികള്‍ നടന്നു.
മത്സരങ്ങളുടെ ഫലപ്രഖ്യാപനം ഉപദേശക സമിതി അംഗങ്ങളായ പുറയാര്‍ അബ്ദുല്‍ ഖാദിര്‍ അല്‍ ഹസനി, അല്‍ ഹാഫിസ് അമീന്‍ അല്‍ ഹസനി പെരുമ്പാവൂര്‍ എന്നിവര്‍ വാഴക്കുളം ജാമിഅ ഹസനിയ്യ അറബിക് കോളേജില്‍ നടന്ന ചടങ്ങില്‍ വച്ച് നിര്‍വഹിച്ചു.
അബ്ദുല്‍ ബാസിത് അല്‍ ഹസനി ഈരാറ്റുപേട്ട, ഷിഹാബുദ്ദീന്‍ അല്‍ ഹസനി കൊടുങ്ങല്ലൂര്‍, ത്വാഹിര്‍ അല്‍ ഹസനി ചേലക്കുളം എന്നിവര്‍ സംസാരിച്ചു.