അഹമ്മദ് പട്ടേല്‍ അന്തരിച്ചു
ഗുജറാത്തില്‍ നിന്നുള്ള രാജ്യസഭാ എംപിയാണ് അഹമ്മദ് പട്ടേല്‍.
ഗുഡ്ഗാവ്: സോണിയ ഗാന്ധിയുടെ ഏറ്റവും അടുത്ത രാഷ്ട്രീയ ഉപദേഷ്ടാക്കളിലൊരാളായ മുതിര്‍ന്ന കോണ്‍ഗ്രസ് നേതാവ് അഹമ്മദ് പട്ടേല്‍ (71) ഇന്ന് രാവിലെ ഗുഡ്ഗാവ് ആശുപത്രിയില്‍ വെച്ച് അന്തരിച്ചു. കൊവിഡ് അണുബാധയെത്തുടര്‍ന്ന് ആരോഗ്യം മോശമായതിനാല്‍ അദ്ദേഹം മെഡന്റ ആശുപത്രിയില്‍ ചികിത്സയിലായിരുന്നു. പുലര്‍ച്ചെ നാലുമണിയോടെ ട്വീറ്റില്‍ അദ്ദേഹത്തിന്റെ മകന്‍ ഫൈസല്‍ പട്ടേല്‍ ആണ് പിതാവിന്റെ മരണ വിവരം അറിയിച്ചത്. ഗുജറാത്തില്‍ നിന്നുള്ള രാജ്യസഭാ എംപിയാണ് അഹമ്മദ് പട്ടേല്‍. പുലര്‍ച്ചെ 3.30 നായിരുന്നു മരണം. ഒരു മാസം മുമ്പാണ് അഹമ്മദ് പട്ടേലിന് കൊവിഡ് സ്ഥിരീകരിച്ചത്.