കുവൈത്ത്: കുവൈത്തില് പ്രവാസി മലയാളി ശ്വാസതടസ്സത്തെ തുടര്ന്ന് മരിച്ചു. കോഴിക്കോട് കുറ്റിച്ചിറ സൂപ്പിക്കാവീട്ടില് മുഹമ്മദ് നജീബ് (64) ആണ് മരിച്ചത്. ശ്വാസതടസ്സം അനുഭവപ്പെട്ടതിനെ തുടര്ന്ന് ചൊവ്വാഴ്ച രാവിലെ ഫര്വാനിയ ആശുപത്രിയില് പ്രവേശിപ്പിച്ച നജീബ് രാത്രിയോടെയാണ് മരിച്ചത്.
40 വര്ഷത്തോളമായി പ്രവാസിയാണ്. കുവൈത്തില് അല് ഫാര്സി ഫാബ്രിക്കേഷന് കമ്പനിയില് ജീവനക്കാരനായിരുന്നു. ഭാര്യ: സഫിയ. മക്കള്: അദ്നാന്( കുവൈത്ത്), ഫഹദ്.