ചെങ്ങന്നൂരില് മരിച്ചെന്ന് കരുതി ഉപേക്ഷിച്ച കുഞ്ഞിന് ജീവന്
യുവതി നല്കിയ വിവരം അനുസരിച്ചാണ് പൊലീസ് വീട്ടിലെത്തി പരിശോധന നടത്തിയത്.
ആലപ്പുഴ: ചെങ്ങന്നൂരില് നവജാത ശിശുവിനെ ബക്കറ്റില് ഉപേക്ഷിച്ച നിലയില് കണ്ടെത്തി. ചെങ്ങന്നൂര് മുളക്കുഴയ്ക്ക് സമീപം കോട്ടയിലാണ് സംഭവം. ചെങ്ങന്നൂര് പൊലീസ് സ്ഥലത്തെത്തി കുഞ്ഞിനെ ആശുപത്രിയിലേക്ക് മാറ്റി. അമിത രക്ത സ്രാവത്തോടെ ആശുപത്രിയിലെത്തിയ യുവതി നല്കിയ വിവരം അനുസരിച്ചാണ് പൊലീസ് വീട്ടിലെത്തി പരിശോധന നടത്തിയത്.
വീട്ടില്വെച്ച് പ്രസവിച്ചെന്നും കുഞ്ഞ് മരിച്ചെന്നും കുഞ്ഞിനെ കുളിമുറിയില് ഉപേക്ഷിച്ചെന്നുമായിരുന്നു യുവതി അറിയിച്ചത്. തുടര്ന്ന് ആശുപത്രി അധികൃതര് പൊലീസില് വിവരം അറിയിച്ചു. പൊലീസ് ഉടന് തന്നെ മുളക്കുഴയിലെ വീട്ടിലെത്തി പരിശോധിച്ചപ്പോഴാണ് കുഞ്ഞിനെ ബക്കറ്റില് കണ്ടെത്തിയത്. കുഞ്ഞ് അനങ്ങുന്നത് ശ്രദ്ധയില്പെട്ടതിനെ തുടര്ന്ന് ഉടന് തന്നെ തൊട്ടടുത്ത ആുപത്രിയിലെത്തിച്ചു.