ശ്രീനഗര്: ജമ്മു കശ്മീരിലെ കത്രയില് ചെറുഭൂചലനം. വെള്ളിയാഴ്ച പുലര്ച്ചെ 5.01നാണ് ഭൂചലനം അനുഭവപ്പെട്ടത്. റിക്ടര് സ്കെയിലില് 3.6 തീവ്രത രേഖപ്പെടുത്തിയതായി നാഷനല് സെന്റര് ഫോര് സീസ്മോളജി അറിയിച്ചു. ഭൗമോപരിതലത്തില് നിന്ന് പത്തുകിലോമീറ്റര് ആഴത്തിലാണ് ഭൂചലനമുണ്ടായത്. കത്രയുടെ കിഴക്ക് ഭാഗത്ത് 97 കിലോമീറ്റര് അകലെയാണ് പ്രഭവകേന്ദ്രം. ആളപായമോ നാശനഷ്ടങ്ങളോ റിപോര്ട്ട് ചെയ്തിട്ടില്ല.