കല്പ്പറ്റ: വയനാട് ജില്ലയില് ഇന്ന് 219 പേര്ക്ക് കൊവിഡ് സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ. ആര്. രേണുക അറിയിച്ചു. 192 പേര് രോഗമുക്തി നേടി. ഒരു ആരോഗ്യ പ്രവര്ത്തക ഉള്പ്പെടെ 216 പേര്ക്ക് സമ്പര്ക്കത്തിലൂടെയാണ് രോഗബാധ. മൂന്ന് പേര് ഇതര സംസ്ഥാനത്ത് നിന്ന് വന്നവരാണ്. ഇതോടെ ജില്ലയില് കൊവിഡ് സ്ഥിരീകരിച്ചവരുടെ ആകെ എണ്ണം 14428 ആയി. 12173 പേര് ഇതുവരെ രോഗമുക്തരായി. ചികിത്സയിലിരിക്കെ 86 മരണം. നിലവില് 2169 പേരാണ് ചികിത്സയിലുള്ളത്. ഇവരില് 1416 പേര് വീടുകളിലാണ് ഐസൊലേഷനില് കഴിയുന്നത്.