ന്യൂഡല്ഹി: രാജ്യത്ത് ഇതുവരെ 133 കോടി ഡോസ് വാക്സിന് വിതരണം ചെയ്തതായി ആരോഗ്യ കുടുംബക്ഷേമ മന്ത്രാലയം അറിയിച്ചു. വൈകീട്ട് 7 മണിവരെ ഒരു ദിവസം കൊണ്ട് 81 ലക്ഷം ഡോസ് വാക്സിനാണ് നല്കിയത്.
''ഇന്ത്യയില് ഇതുവരെ 1,32,84,04,705 ഡോസ് വാക്സിന് നല്കി. അതില് 81,08,719 ഡോസ് വാക്സിന് 24 മണിക്കൂറിനുള്ളിലാണ് നല്കിയത്''- ആരോഗ്യവകുപ്പിന്റെ കുറിപ്പില് പറയുന്നു. അവസാന കണക്ക് പുറത്തുവന്നാല് ഇതില് ചില വ്യത്യാസങ്ങളുണ്ടാവാന് സാധ്യതയുണ്ട്.
81,08,719 ഡോസ് വാക്സിനാണ് ശനിയാഴ്ച നല്കിയത്. അതില് 20,13,140 പേര് ഒന്നാത്തെ ഡോസും 60,95,579 പേര് രണ്ടാമത്തെ ഡോസും സ്വീകരിച്ചു.