കോട്ടയം: തലയോലപ്പറമ്പില് നൂറ് കിലോ കഞ്ചാവ് പിടികൂടി. വാഹനത്തില് കടത്താന് ശ്രമിച്ച കഞ്ചാവാണ് പോലിസും എക്സൈസും സംയുക്തമായി നടത്തിയ പരിശോധനയില് പിടിച്ചെടുത്തത്. രണ്ടുപേരെ അറസ്റ്റ് ചെയ്തു. കോട്ടയം ഏറ്റുമാനൂര് സ്വദേശി കെന്സാബു, മുണ്ടക്കയം സ്വദേശി രഞ്ജിത്ത് രാജു എന്നിവരെയാണ് തലയോലപ്പറമ്പ് പോലിസ് പിടികൂടിയിരിക്കുന്നത്.
പോലിസും, എക്സൈസും വിഭാഗവും ചേര്ന്ന് നടത്തിയ പരിശോധനയിലാണ് ഇവരെ പിടികൂടിയത്. രാവിലെ ആറരയോട് കൂടിയാണ് വാഹന പരിശോധന നടന്നത്. രക്ഷപ്പെടാന് നോക്കിയ പ്രതികളെ പോലിസ് ഓടിച്ചിട്ട് പിടികൂടുകയായിരുന്നു. ഇത് എവിടെ നിന്ന് കൊണ്ടുവന്നു എവിടേക്ക് കൊണ്ടുപോകുന്നു തുടങ്ങിയ കാര്യങ്ങള് പോലിസ് അന്വേഷിക്കുകയാണ്.