നിരോധനാജ്ഞ: മലപ്പുറം ജില്ലയില് 76 പുതിയ കേസുകള്; മാസ്ക് ധരിക്കാതെ പുറത്തിറങ്ങിയ 195 പേര്ക്കെതിരെയും കേസ്
മലപ്പുറം: കൊവിഡ് 19 പ്രതിരോധത്തിന്റെ ഭാഗമായി പ്രഖ്യാപിച്ച നിരോധനാജ്ഞ ലംഘിച്ചതിന് ജില്ലയില് പൊലിസ് 76 കേസുകള് കൂടി ഇന്നലെ (മെയ് ആറ്) രജിസ്റ്റര് ചെയ്തതായി ജില്ലാ പൊലീസ് മേധാവി യു. അബ്ദുള് കരീം അറിയിച്ചു.വിവിധ സ്റ്റേഷനുകളിലായി 89 പേരെ ഇന്നലെ അറസ്റ്റ് ചെയ്തു. നിര്ദേശങ്ങള് ലംഘിച്ച് നിരത്തിലിറക്കിയ 55 വാഹനങ്ങളും പിടിച്ചെടുത്തിട്ടുണ്ട്. ഇതോടെ നിരോധനാജ്ഞ ലംഘിച്ചതിന് പൊലിസ് രജിസ്റ്റര് ചെയ്ത കേസുകളുടെ എണ്ണം 3,547 ആയി. 4,463 പേരെയാണ് ഇതുവരെ അറസ്റ്റ് ചെയ്തത്. ജില്ലയിലാകെ ഇതുവരെ 2,132 വാഹനങ്ങളും പിടിച്ചെടുത്തിട്ടുണ്ട്.
മാസ്ക്ക് ധരിക്കാതെ വീടുകളില് നിന്ന് പുറത്തിറങ്ങിയ 195 കേസുകള് രജിസ്റ്റര് ചെയ്തതായും ജില്ലാ പൊലിസ് മേധാവി പറഞ്ഞു. മാസ്ക് ധരിക്കണമെന്ന ഉത്തരവ് ലംഘിക്കുന്നവര്ക്കും മറ്റ് ആരോഗ്യ ജാഗ്രതാ നിര്ദേശങ്ങള് ലംഘിക്കുന്നവര്ക്കുമെതിരെ കര്ശന നിയമ നടപടികളാണ് പൊലീസ് കൈക്കൊള്ളുന്നത്.