സംസ്ഥാനത്ത് ഇന്ന് 211 പേര്ക്ക് കൊവിഡ് സ്ഥിരീകരിച്ചു, ചികില്സയിലുള്ളത് 2,098 പേര്
തിരുവനന്തപുരം: സംസ്ഥാനത്ത് 211 പേര്ക്ക് കൊവിഡ് സ്ഥിരീകരിച്ചതായി മുഖ്യമന്ത്രി പിണറായി വിജയന് പത്രസമ്മേളനത്തില് അറിയിച്ചു. രോഗികളുടെ എണ്ണം ഒരു ദിവസം ഇരുന്നൂറ് കടക്കുന്നത് ഇതാദ്യമാണ്. വിദേശത്തുനിന്ന് വന്ന 138 പേര്ക്കും ഇതര സംസ്ഥാനത്തുനിന്നുവന്ന 30 പേര്ക്കുമാണ് രോഗം വന്നിട്ടുള്ളത്. 27 പേര്ക്ക് രോഗം വന്നത് സമ്പര്ക്കത്തിലൂടെയാണ്. ഇതില് ഉറവിടമറിയാത്ത 3 കേസുകളും ഉള്പ്പെടുന്നു.
സംസ്ഥാനത്ത് ഇന്ന് 201 പേരാണ് രോഗമുക്തരായത്. ആകെ ഹോട്ട്സ്പോട്ടുകള് 130 ആണ്. സംസ്ഥാനത്ത് രോഗവ്യാപനത്തോത് വര്ധിക്കുന്നതായും മുഖ്യമന്ത്രി അറിയിച്ചു. എല്ലാ ആശുപത്രികളിലുമായി 2098 പേരാണ് ചികില്സയിലുള്ളത്.
സംസ്ഥാനത്ത് മലപ്പുറം ജില്ലയിലാണ് ഇന്ന് രോഗികള് കൂടുതലുള്ളത്. സംസ്ഥാനത്തെ എല്ലാ ജില്ലകളില് നിന്നും ഇന്ന് രോഗം റിപോര്ട്ട് ചെയ്തിട്ടുണ്ട്.
കൊല്ലം 23, ആലപ്പുഴ 21, തൃശൂര് 21, കണ്ണൂര് 18, എറണാകുളം 17, തിരുവനന്തപുരം 17, പാലക്കാട് 14, കോട്ടയം 14, കോഴിക്കോട് 14, കാസര്കോട് 7, പത്തനംതിട്ട 7, ഇടുക്കി 2, വയനാട് 1 എന്നിങ്ങനെയാണ് മറ്റ് ജില്ലകളില് കൊവിഡ് ബാധിച്ചവരുടെ എണ്ണം.