കല്‍പ്പറ്റ: വാഹനപരിശോധനയ്ക്കിടെ മാരക മയക്കുമരുന്നായ എംഡിഎംഎയുമായി രണ്ട് യുവാക്കള്‍ പിടിയിലായി. ചിറക്കര സ്വദേശികളായ പാലാട്ടുകുന്നേല്‍ റിഷാദ് (29), കരിയങ്ങാടില്‍ നിയാസ് (29) എന്നിവരാണ് അറസ്റ്റിലായത്.
തലപ്പുഴ എസ്‌ഐ രാംകുമാറും സംഘവും വരയാല്‍ ഭാഗത്ത് നടത്തിയ വാഹനപരിശോധനയിലാണ് ഇവരില്‍ നിന്നും 0.23 ഗ്രാം മയക്കുമരുന്ന് പിടിച്ചത്. ഇവര്‍ സഞ്ചരിച്ചിരുന്ന കെഎല്‍ 72 5485 കാറും കസ്റ്റഡിയിലെടുത്തിട്ടുണ്ട്. എസ്‌സിപിഒ സനില്‍, സിപിഒ സനൂപ് എന്നിവരും പോലിസ് സംഘത്തിലുണ്ടായിരുന്നു.