തൃശ്ശൂര്‍: ഒളിംപ്യന്‍ മയൂഖാ ജോണിക്കു വധഭീഷണിയുമായി ഊമക്കത്ത്. സുഹൃത്തിന്റെ പീഡനക്കേസുമായി മുന്നോട്ടുപോയാല്‍ മയൂഖയെയും കുടുംബത്തെയും ഇല്ലാതാക്കുമെന്നും ഇനി ചാടിയാല്‍ നിന്റെ കാല് ഞങ്ങള്‍ വെട്ടുമെന്നുമാണ് ഊമക്കത്തിലുള്ളത്. ചുങ്കത്ത് ജോണ്‍സണ്‍ എന്നായാള്‍ സുഹൃത്തിനെ ബലാല്‍സംഗം ചെയ്ത സംഭവത്തില്‍ പോലിസില്‍ നിന്നു നീതി ലഭിച്ചില്ലെന്ന് ആരോപിച്ച് മയൂഖാ ജോണി ദിവസങ്ങള്‍ക്കു മുമ്പ് വാര്‍ത്താ സമ്മേളനം നടത്തിയിരുന്നു. 2016ല്‍ സംഭവം നടന്നപ്പോള്‍ പോലിസില്‍ പരാതിപ്പെട്ടിരുന്നില്ലെന്നും എന്നാല്‍ പെണ്‍കുട്ടിയുടെ വിവാഹ ശേഷവും പ്രതി ഭീഷണിപ്പെടുത്താന്‍ തുടങ്ങിയതോടെയാണ് ഭര്‍ത്താവിന്റെ പിന്തുണയോടെ പോലിസില്‍ പരാതിപ്പെട്ടതെന്നും മയൂഖ പറഞ്ഞിരുന്നു.
Death threats to Olympian Mayukha Johnny