കണ്സഷന് ചോദിച്ചു; വിദ്യാര്ഥിനിയെ മഴയത്ത് ബസില് നിന്നിറക്കി വിട്ടു
തിങ്കളാഴ്ച നടന്ന സംഭവത്തില് കഴിഞ്ഞ ദിവസം പെണ്കുട്ടി പോലിസില് പരാതി നല്കി. സംഭവത്തില് കേസെടുത്ത് അന്വേഷണം ആരംഭിച്ചിട്ടുണ്ടെന്ന് ആറ്റിങ്ങല് പോലിസ് അറിയിച്ചു.
തിരുവനന്തപുരം: കണ്സഷന് ചോദിച്ച പ്ലസ് വണ് വിദ്യാര്ത്ഥിനിയെ സ്വകാര്യ ബസ് ജീവനക്കാര് ബസില് നിന്നും മഴയത്ത് ഇറക്കി വിട്ടതായി പരാതി. വെഞ്ഞാറമൂട് സര്ക്കാര് ഹയര്സെക്കന്ററി സ്കൂളിലെ പ്ലസ് വണ് വിദ്യാര്ത്ഥിനിയെ ആണ് യാത്രക്കിടെ ബസ് ജീവനക്കാര് മഴയത്ത് ഇറക്കി വിട്ടത്.
തിങ്കളാഴ്ച നടന്ന സംഭവത്തില് കഴിഞ്ഞ ദിവസം പെണ്കുട്ടി പോലിസില് പരാതി നല്കി. സംഭവത്തില് കേസെടുത്ത് അന്വേഷണം ആരംഭിച്ചിട്ടുണ്ടെന്ന് ആറ്റിങ്ങല് പോലിസ് അറിയിച്ചു. വെഞ്ഞാറമൂട്ടില് നിന്നും ആറ്റിങ്ങലിലേക്ക് ബസ് കയറിയ കുട്ടിയോട് ബസ് ജീവനക്കാര് ഐഡി കാണിക്കാന് ആവശ്യപ്പെട്ടു. പുതിയതായി ആഡ്മിഷന് എടുത്തതിനാല് ഐഡി ഇല്ലെന്ന് കുട്ടി പറഞ്ഞു. എന്നാല് കാര്ഡില്ലാതെ കണ്സഷന് അനുവദിക്കില്ലെന്ന് പറഞ്ഞ ജീവനക്കാര് കുട്ടിയുടെ കൈയില് ആകെയുണ്ടായിരുന്ന മൂന്ന് രൂപയും വാങ്ങി മഴയത്ത് ഇറക്കിവിടുകയായിരുന്നു.
കുട്ടി റോഡില് നിന്ന് കരയുന്നത് കണ്ട് നാട്ടുകാര് വിവരം അറിയിച്ചതിനെ തുടര്ന്ന് വിദ്യാര്ത്ഥിനിയുടെ മാതാവ് സ്ഥലത്തെത്തി കുട്ടിയെ വീട്ടിലേക്ക് കൂട്ടിക്കൊണ്ട് പോയി.