യുഡിഎഫ് കൗണ്‍സിലര്‍മാര്‍ക്കുള്ള മുറി ഒഴിവാക്കിയ നടപടിയെ അപലപിച്ച് എസ്ഡിപിഐ
പാലക്കാട്: യുഡിഎഫ് കൗണ്‍സിലര്‍മാര്‍ക്ക് ഇരിക്കാന്‍ അനുവദിച്ച മുറി പ്രതിപക്ഷ ബഹുമാനമില്ലാതെ ഒഴിവാക്കിയ നടപടിയെ എസ്ഡിപിഐ പാലക്കാട് മുനിസിപ്പല്‍ കമ്മിറ്റി ശക്തമായി അപലപിച്ചു. ബിജെപി ആശയങ്ങളെ ഗുണ്ടായിസം കൊണ്ടാണ് നേരിടുന്നത്. ബിജെപിക്കെതിരേ സംസാരിക്കുന്നവരെയും നിശബ്ദരാക്കാനാണ് ബിജെപി ഇത്തരം പ്രവര്‍ത്തനമാര്‍ഗങ്ങള്‍ സ്വീകരിക്കുന്നത്.
ആശയങ്ങളെ ആശയങ്ങള്‍ കൊണ്ട് നേരിടുന്നതിന് പകരം ഗുണ്ടായിസമാണ് ബിജെപി നടത്തുന്നതെന്നും എസ്ഡിപിഐ പാലക്കാട് മുനിസിപ്പല്‍ പ്രസിഡന്റ് അബ്ദുല്‍ ജബ്ബാര്‍ കുറ്റപ്പെടുത്തി. നമ്മുടെ നാടിന്റെ ബഹുസ്വരതയും മതേതരത്വവും സംരക്ഷിക്കപ്പെടണം. അതിന് ഇത്തരത്തിലുള്ള ബിജെപിയുടെ പ്രവര്‍ത്തനങ്ങള്‍ക്കെതിരേ എല്ലാ ജനാധിപത്യ വിശ്വാസികളും ഒരുമിച്ചുനില്‍ക്കണമെന്നും അബ്ദുല്‍ ജബ്ബാര്‍ ആവശ്യപ്പെട്ടു.