ദമ്പതികള്‍ വീട്ടിനുള്ളില്‍ മരിച്ചനിലയില്‍;മകനെ കാണാനില്ല
ദമ്പതികളുടെ മരണം കൊലപാതകമാണെന്ന് പോലിസ് സ്ഥിരീകരിച്ചു.മകന്‍ സനിലിനെ കേന്ദ്രീകരിച്ച് അന്വേഷണം നടക്കുകയാണ്
പാലക്കാട് :പുതുപ്പരിയാരത്ത് ചോരയില്‍ കുളിച്ച നിലയില്‍ ദമ്പതികളുടെ മൃതദേഹം കണ്ടെത്തി. ഓട്ടുകാടുള്ള മയൂരം വീട്ടില്‍ ചന്ദ്രനും ദേവിയുമാണ് മരിച്ചത്.മകന്‍ സനിലിനെ കാണാനില്ല.
വീട് അകത്ത് നിന്ന് പൂട്ടിയ നിലയിലായിരുന്നു. വീട്ടിനുള്ളിലായിരുന്നു മൃതദേഹങ്ങള്‍.ആരെയും പുറത്ത് കാണാത്തതിനെ തുടര്‍ന്ന് അയല്‍വാസികള്‍ ചെന്ന് നോക്കിയപ്പോഴാണ് ഇവരെ മരിച്ച നിലയില്‍ കണ്ടെത്തിയത്. ഭാര്യയുടെ കഴുത്തില്‍ രക്തക്കറയുണ്ട്.
ദമ്പതികളുടെ മരണം കൊലപാതകമാണെന്ന് പോലിസ് സ്ഥിരീകരിച്ചു. മകന്‍ സനിലിനെ കേന്ദ്രീകരിച്ചാണ് ഇപ്പോള്‍ അന്വേഷണം നടക്കുന്നത്. ഇയാള്‍ കഴിഞ്ഞ ദിവസം രാത്രിയില്‍ വീട്ടിലുണ്ടായിരുന്നതായി സ്ഥിരീകരിച്ചിട്ടുണ്ട്. എന്നാല്‍, ഇപ്പോള്‍ സനിലിനെ കാണാനില്ല. ഫോണ്‍ സ്വിച്ച് ഓഫ് ചെയ്ത നിലയിലാണ്.