വേങ്ങര: രണ്ടര കോടി രൂപ ചെലവില് നിര്മിക്കുന്ന വേങ്ങര പോലിസ് സ്റ്റേഷന്റെ പുതിയ കെട്ടിടത്തിന്റെ തറക്കല്ലിടല് നവംബര് 4ന് രാവിലെ 11നു അഡ്വ. കെ എന് എ ഖാദര് എംഎല്എ നിര്വഹിക്കും. പി കെ കുഞ്ഞാലിക്കുട്ടി എംപി മുഖ്യാതിഥിയാവും. ജില്ലാ പഞ്ചായത്ത് പ്രസിഡന്റ് എ പി ഉണ്ണിക്കൃഷ്ണന്, ജില്ലാ കലക്ടര് കെ ഗോപാലകൃഷ്ണന്, ജില്ലാ പോലിസ് മേധാവി യു അബ്ദുല് കരീം, വേങ്ങര ബ്ലോക്ക് പഞ്ചായത്ത് പ്രസിഡന്റ് ചാക്കീരി അബ്ദുല് ഹഖ്, വേങ്ങര ഗ്രാമപ്പഞ്ചായത്ത് പ്രസിഡന്റ് വി കെ കുഞ്ഞാലന് കുട്ടി, കണ്ണമംഗലം ഗ്രാമപ്പഞ്ചായത്ത് പ്രസിഡന്റ് ബേബി ചാലില്, ഊരകം ഗ്രാമപ്പഞ്ചായത്ത് പ്രസിഡന്റ് സഫ്രീന അഷ്റഫ്, പറപ്പൂര് ഗ്രാമപ്പഞ്ചായത്ത് പ്രസിഡന്റ് പറങ്ങോടത്ത് മുഹമ്മദ് കുട്ടി, എ ആര് നഗര് ഗ്രാമപ്പഞ്ചായത്ത് പ്രസിഡന്റ് സുബൈദ കുപ്പേരി പങ്കെടുക്കും. വേങ്ങര ടൗണിനോട് ചേര്ന്ന് നിര്മിക്കുന്ന കെട്ടിടത്തിന് എംഎല്എയുടെ ആസ്തി വികസന ഫണ്ട് ഉപയോഗിച്ചാണ് ആധുനിക സൗകര്യത്തോട് കൂടി എല്ലാവിധ സൗകര്യങ്ങളും ഒരുക്കി കെട്ടിടം പണി പൂര്ത്തീകരിക്കുക. ദീര്ഘകാലമായി വാടക കെട്ടിടത്തിലാണ് പോലിസ് സ്റ്റേഷന് പ്രവര്ത്തിക്കുന്നത്.
Vengara Police Station's new building Laying stone on 4th Nov