മലപ്പുറം മിനി ഊട്ടിയില് ടിപ്പര് ലോറിയും ബൈക്കും കൂട്ടിയിടിച്ച് അപകടം; രണ്ട് വിദ്യാര്ഥികള് മരിച്ചു
മലപ്പുറം: മിനി ഊട്ടിയിലുണ്ടായ വാഹനാപകടത്തില് രണ്ടു വിദ്യാര്ഥികള്ക്ക് ദാരുണാന്ത്യം.ടിപ്പര് ലോറിയും ഇരുചക്രവാഹനവും കൂട്ടിയിടിച്ചാണ് അപകടം. കൊട്ടപ്പുറം സ്വദേശികളായ മുഫീദ് (17), വിനായക് (17) എന്നിവരാണ് മരിച്ചത്.
പരിക്കേറ്റ മറ്റൊരു വിദ്യാര്ഥി കൊട്ടപ്പുറം സ്വദേശി അഫ്ലഹിനെ ആശുപത്രിയില് പ്രവേശിപ്പിച്ചു. മുഫീദ് സംഭവ സ്ഥലത്ത് തന്നെ മരിച്ചു. മൂന്നു പേരാണ് ബൈക്കില് ഉണ്ടായിരുന്നത്. കൊണ്ടോട്ടിയിലെ സ്വകാര്യ ആശുപത്രിയിലെത്തിച്ചെങ്കിലും വിനായകനെ രക്ഷിക്കാനായില്ല. കൊണ്ടോട്ടിയിലെ സ്വകാര്യ ആശുപത്രിയില് ചികിത്സയിലുള്ള അഫ്ലഹിന്റെ ആരോഗ്യനില തൃപ്തികരമാണ്. അവധി ദിവസമായ ഞായറാഴ്ച മൂവരും ഇരുചക്രവാഹനത്തില് മിനി ഊട്ടിയിലെ സ്ഥലം കാണാനെത്തിയതാണെന്നാണ് വിവരം. ഇതിനിടെ ടിപ്പര് ലോറിയുമായി കൂട്ടിയിടിക്കുകയായിരുന്നു.