മലപ്പുറം: പുത്തനത്താണി കാടാമ്പുഴ സി കെ പാറയില്‍ അയ്യപ്പക്ഷേത്രം ആക്രമിച്ച് മലപ്പുറം ജില്ലയില്‍ വര്‍ഗീയ കലാപം നടത്താനുള്ള സംഘപരിവാര്‍ നീക്കത്തില്‍ പ്രതിഷേധിച്ച് എസ് ഡിപിഐ പുത്തനത്താണി മേഖല കാടാമ്പുഴയില്‍ പ്രതിഷേധ പ്രകടനം നടത്തി. മേഖലാ പ്രസിഡന്റ് അഷറഫ് പുത്തനത്താണി, ശംസുദ്ധീന്‍ വെട്ടിച്ചിറ, കുഞ്ഞാറമൂട്ടി ഹാജി, ഇബ്രാഹീം കുട്ടി, കുഞ്ഞറമു, മുസ്തഫ മുനീര്‍ നേതൃത്വം നല്‍കി. പ്രതിഷേധ പ്രകടനം എസ് ഡിപിഐ ജില്ലാ സെക്രട്ടറി അഡ്വ. കെ സി നസീര്‍ ഉദ്ഘാടനം ചെയ്തു. മേഖലാ പ്രസിഡന്റ് അഷ്‌റഫ് പുത്തനത്താണി അധ്യക്ഷത വഹിച്ചു. എസ് ഡിടിയു ജില്ലാ ജനറല്‍ സെക്രട്ടറി ശംസുദ്ധീന്‍ വെട്ടിച്ചിറ സംസാരിച്ചു.