താനൂര്‍: യൂത്ത് കോണ്‍ഗ്രസ് താനൂര്‍ നിയോജകമണ്ഡലം കമ്മിറ്റിയുടെ നേതൃത്വത്തില്‍ കെ റെയില്‍ വേണ്ട കേരളം മതി എന്ന മുദ്രാവാക്യം ഉയര്‍ത്തി പ്രതിഷേധ മാര്‍ച്ചും സര്‍വേ കുറ്റി സ്ഥാപിക്കലും നടത്തി. താനൂര്‍ മിനി സിവില്‍ സ്റ്റേഷനിലേക്ക് നടത്തിയ പ്രതിഷേധ മാര്‍ച്ച് യൂത്ത് കോണ്‍ഗ്രസ് ജില്ലാ പ്രസിഡന്റ് ഷാജി പച്ചേരി ഉദ്ഘാടനം ചെയ്തു. നിയോജക മണ്ഡലം പ്രസിഡന്റ് ഹബീബ് അദ്രശ്ശേരി അധ്യക്ഷത വഹിച്ചു.
ഡിസിസി ജനറല്‍ സെക്രട്ടറി ഒ രാജന്‍, ബ്ലോക്ക് കോണ്‍ഗ്രസ് പ്രസിഡന്റ് വൈ പി ലത്തീഫ്, മുനിസിപ്പല്‍ കൗണ്‍സിലര്‍ ജയപ്രകാശ്, കെഎസ്‌യു നിയോജകമണ്ഡലം പ്രസിഡന്റ് ജസീര്‍, കെ ടി അസ്‌കര്‍, റഫീഖ് താനൂര്‍, ഇസ്ഹാഖ് താനാളൂര്‍, ജമീര്‍ താനൂര്‍, മഷൂദ് താനൂര്‍, ഇജാസ് ജനത ബസാര്‍, മുനീര്‍അരങ്കത്തില്‍, ശ്രീക്കുട്ടന്‍ തലക്കടത്തൂര്‍, ജാബിര്‍ മണലിപ്പുഴ, പ്രജീഷ് പൊന്‍മുണ്ടം തുടങ്ങിയവര്‍ സംബന്ധിച്ചു. മറ്റു കോണ്‍ഗ്രസ്, യൂത്ത് കോണ്‍ഗ്രസ്, കെഎസ്‌യു, പോഷകസംഘടന, ജില്ലാ, മണ്ഡലം ഭാരവാഹികളും പങ്കെടുത്തു.